గుంటూరు జిల్లా రాజుపాలెం మండలం చౌటపాపయపాలెం వద్ద జరిగిన రోడ్డు ప్రమాదంలో.. మాచవరం మండలం మల్లవోలుకు చెందిన బండి పుష్పావతి మృతి చెందింది. ద్విచక్ర వాహనాన్ని టిప్పర్ ఢీకొట్టింది. మెడికొండూరు మండలం వరగనిలోని పుట్టింటి నుంచి భర్త, కుమార్తెతో కలిసి తిరిగి వస్తుండగా ఈ ఘటన జరిగింది. శరీరం గుర్తు పట్టలేని విధంగా ఛిద్రం కాగా.. మిగిలిన ఇద్దరూ స్పల్ప గాయాలతో బయటపడ్డారు.
సంక్రాంతి జరుపుకోవడానికి పుట్టింటికి వెళ్లిన పుష్పావతి కుటుంబం.. పండుగ అనంతరం ద్విచక్ర వాహనంపై మల్లవోలుకు బయలుదేరారు. టిప్పర్ ఢీకొట్టగానే ఆమె కిందపడిపోగా.. వాహనం ఆమె పైనుంచి వెళ్లడంతో అక్కడికక్కడే మృతి చెందింది. 'అమ్మా లే అమ్మా! ఇంటికి పోదాం' అంటూ బాధితురాలి కుమార్తె విలపించడం.. చూపరులను కన్నీరు పెట్టించింది. ప్రమాదానికి కారణమైన టిప్పర్ డ్రైవర్ని పోలీసులు అదుపులోకి తీసుకుని కేసు నమోదు చేశారు.
ఇదీ చదవండి:
గుంటూరులోని ఆలయంలో చోరీ...కొన్ని గంటల్లోనే ఛేదించిన పోలీసులు
