తెనాలిలో 'తెలుగు బాల సాహితి' కార్యక్రమం

'ఇటాలియన్ ఆఫ్ ది ఈస్ట్', 'దేశ భాషలందు తెలుగు లెస్స' మరి ఇంతటి పేరున్న తెలుగుపై నేటి తరానికి పూర్తి అవగాహన కల్పించేందుకు తెనాలి పురపాలంక సంఘం నడుం బిగించింది.

గుంటూరు జిల్లా తెనాలిలో తెలుగు బాల సాహితి అనే కార్యక్రమాన్ని చేపట్టారు. తెనాలి పురపాలక సంఘం తరపున నెల రోజులపాటు తరగతులు నిర్వహించనున్నారు. నేటి తరానికి తెలుగు భాష మీద పూర్తి అవగాహన కల్పించాలనే ఉద్దేశంతోనే ఈ కార్యక్రమానికి శ్రీకారం చుట్టామని మున్సిపల్ కమిషనర్ వెంకటకృష్ణ తెలిపారు. రోజు సాయంత్రం 5 గంటల నుంచి 6 వరకు క్లాసులుంటాయని... ఆరో తరగతి నుంచి ఇంటర్ విద్యార్థుల వరకూ ఈ తరగతుల్లో పాల్గొనవచ్చని వెంకటకృష్ణ తెలిపారు. పద్యాలు, కవితల్లో ప్రతిభ చూపిన వారికి బాల సాహితి పురస్కారం ఇస్తామని పేర్కొన్నారు.

ఇవీ చూడండి-కవలల ఉత్సవం... హద్దే లేని ఆనందం