వైసీపీ నేతలపై తెదేపా ఎమ్మెల్సీ బుద్దా వెంకన్న విమర్శలు
ప్రభుత్వం అమలు చేస్తోన్న మద్యపాన విధానం ముసుగులో దోపిడీ జరుగుతోందని తెదేపా ఎమ్మెల్సీ బుద్ధా వెంకన్న ఆరోపించారు. గుంటూరు జిల్లా మంగళగిరిలోని పార్టీ కార్యాలయంలో మాట్లాడిన ఆయన.. ఈ విషయంపై ఎక్సైజ్ మంత్రి ఎక్కడకు రమ్మంటే అక్కడకు చర్చకు వస్తానని సవాల్ విసిరారు. ప్రభుత్వం తెదేపా నేతలపై అక్రమ కేసులు బనాయిస్తోందని మండిపడ్డారు. సీబీఐ, ఈడీ కేసులతో కోర్టుల చుట్టూ తిరుగుతున్న జగన్.. ప్రతిపక్ష నాయకులపైనా కేసులు మోపేలా ఒత్తిడి తెస్తున్నారని విమర్శించారు. శాసన మండలి ఉన్నా లేకున్నా తనకు లెక్కలేదని.. మండలిలో వైకాపాకు 9 మందే సభ్యులున్నారని, వారిలో ఒక్కరు రాజీనామా చేసినా వెంటనే తాను రాజీనామా చేస్తానని వెంకన్న స్పష్టంచేశారు.
ఇదీ చూడండి:
