గుంటూరు జిల్లా నరసరావుపేటలో చైనా అధ్యక్షుని దిష్టిబొమ్మను తెలుగుదేశం పార్టీ నేతలు దగ్ధం చేశారు. చైనా దుశ్చర్యలో అమరుడైన సంతోష్ బాబు అమరహే, జై భారత్ మాతాకీ జై అంటూ నినాదాలు చేశారు. చైనా దొంగ దెబ్బ తీసి భారత సైనికులను పొట్టన పెట్టుకోవడం దారుణమని నియోజకవర్గ ఇంచార్జ్ డాక్టర్ చదలవాడ అరవింద బాబు అన్నారు. దురుద్దేశపూరితంగా చైనా భారతదేశంలోని భాగమైన ప్రాంతాన్ని ఆక్రమించేందుకు కుట్ర పన్నిందన్నారు. సైనికుల త్యాగాలను భారతీయులు ఎప్పటికీ గుర్తుంచుకుంటామన్నారు. వారి కుటుంబాలకు తెలుగుదేశం పార్టీ అండగా ఉంటుందని తెలిపారు. అదేవిధంగా చైనాకు గట్టి బుద్ధి చెప్పాలని, ఇందుకు కేంద్ర ప్రభుత్వం చర్యలు తీసుకోవాలని చదలవాడ అరవింద బాబు కోరారు.
ఇది చదవండి ఇకనైనా కవ్వింపు చర్యలు చైనా మానుకోవాలి: భాజపా యువ మోర్ఛ
