గ్యాంగ్​వార్​ని తలపించే ఘటన... అప్రమత్తమైన పోలీసులు

విజయవాడ గ్యాంగ్​వార్​ని తలపించేలా ఉన్న... గుంటూరు పిచ్చుకలగుంట మైదానంలో విద్యార్థుల ఘర్షణపై పోలీసులు అప్రమత్తమయ్యారు. విద్యార్థుల మధ్య వివాదాన్ని పోలీసులు సీరియస్​గా తీసుకొని... వారందరిని అదుపులోకి తీసుకున్నారు.

గుంటూరు పిచ్చుకలగుంట మైదానంలో యువకుల బాహాబాహీకి సంబంధించి 12 మందిపై పోలీసులు కేసు నమోదు చేశారు. గుంటూరు శివారు ఇంజనీరింగ్‌ కళాశాలకు చెందిన విద్యార్థులు ఓ ఫోన్‌ సందేశం విషయమై ఆదివారం రాత్రి ఘర్షణకు దిగారు. ఈ సమాచారం అందుకున్న పోలీసులు అక్కడకు వెళ్లి సర్దిచెప్పేందుకు ప్రయత్నించినా.. ఘర్షణ పడుతున్నవారెవరూ మాట వినకపోవటంతో వారందర్నీ అదుపులోకి తీసుకున్నారు. ఇటువంటి గొడవలకు ఎవరు పాల్పడినా కఠిన చర్యలు ఉంటాయని పోలీసులు హెచ్చరించారు.

ఇదీ చదవండి: కాపురానికి రానందుకు భార్య, మామను కిరాతకంగా చంపిన భర్త