గుంటూరు జిల్లా నరసరావుపేట పట్టణంలో ఈ నెల 18వ నుంచి సంపూర్ణ లాక్ డౌన్ విధించనున్నట్లు ఆర్డీవో మొగిలి వెంకటేశ్వర్లు ప్రకటించారు. పట్టణంలో గత 10 రోజులుగా కరోనా కేసుల సంఖ్య పెరుగుతున్న దృష్ట్యా గుంటూరు జిల్లా కలెక్టర్ శామ్యూల్ ఆనంద్ ఆదేశాల మేరకు సంపూర్ణ లాక్డౌన్ విధిస్తున్నట్లు ఆయన తెలిపారు.
గురు, శుక్రవారాల్లో ఉదయం 7 నుంచి సాయంత్రం 7 వరకు నిత్యావసర సరకులు కొనుగోలు చేయాలని సూచించారు. శనివారం నుంచి పట్టణంలో సంపూర్ణ లాక్డౌన్ నిర్వహిస్తామని పేర్కొన్నారు. మందులు, పాల దుకాణాలకు తప్ప మిగతా అన్ని షాపుల్లో క్రయవిక్రయాలకు అనుమతి లేదని తేల్చి చెప్పారు. ఉన్నతాధికారుల నుంచి తదుపరి ఆదేశాలు వచ్చేంత వరకు లాక్డౌన్ కొనసాగుతుందని ఆర్డీవో పేర్కొన్నారు.
ఇదీ చదవండి:
