రాష్ట్రంలో కరోనా నివారణ కంటే రాజకీయ ప్రత్యర్థులపై ప్రభుత్వ పెద్దలు దృష్టి పెట్టారని జనసేన అధినేత పవన్ కల్యాణ్ విమర్శించారు. గత రెండు మూడు రోజులుగా జరిగిన పరిణామాలు ఈ విషయాన్ని తేటతెల్లం చేస్తున్నాయని ఆయన ఓ ప్రకటనలో తెలిపారు. కరోనా వంటి విపత్కర పరిస్థితుల్లో.. అత్యవసర వైద్య సైవలపై దృష్టి పెట్టాల్సింది పోయి.. రాజకీయాలను భుజాలకు ఎత్తుకుంటున్నారని మండిపడ్డారు. భాజపా రాష్ట్ర అధ్యక్షుడు కన్నా లక్ష్మీనారాయణపై వ్యక్తిగత విమర్శలు ఇందులో భాగమేనని పవన్ అభిప్రాయపడ్డారు.
రాజకీయాలు పక్కన పెడదాం
రాష్ట్రంలో కరోనా కేసులు పెరుగుతున్న తీరు చూస్తుంటే.. ఎప్పటికి శాంతిస్తుందో ఊహకు అందడం లేదని పవన్ కల్యాణ్ ఆందోళన వ్యక్తం చేశారు. లాక్డౌన్ నేపథ్యంలో రైతులు తీవ్ర ఇబ్బందులు పడుతున్నారని అన్నారు. కరోనా మహమ్మారి రాష్ట్రం, దేశాన్ని వదిలిపెట్టిపోయేంత వరకూ రాజకీయాలను పక్కన పెడదామని జనసేనాని విజ్ఞప్తి చేశారు. ప్రస్తుత పరిస్థితుల్లో ప్రజల సంక్షేమం, వారి ఆకలి తీర్చడంపైనే మన శక్తియుక్తుల్ని కేంద్రీకరిద్దామని పవన్ సూచించారు. ఈ సమయంలో కూడా రాజకీయాలు ఆపకపోతే ప్రజలు తిరగబడే ప్రమాదం ఉందని హెచ్ఛరించారు.
ఇదీ చూడండి:
