సీఎం నివాసం వద్ద ఐఈఆర్‌టీలు నిరసన

సీఎం జగన్ ఇంటి వద్ద ఐఈఆర్‌టీలు నిరసనకు దిగారు. తమ ఉద్యోగాలను క్రమబద్ధీకరించాలని డిమాండ్ చేశారు. దివ్యాంగులైన చిన్నారులకు ఐఈఆర్‌టీలు విద్య బోధిస్తున్నారు. సీఎం ఇచ్చిన హామీని నెరవేర్చి తమకు న్యాయం చేయాలంటూ నినాదాలు చేశారు.

దివ్యాంగులైన చిన్నారులకు విద్యను బోధిస్తున్న తమ ఉద్యోగాలను క్రమబద్ధీకరించాలని కోరుతూ ఐఈఆర్​టీ సంఘం... ముఖ్యమంత్రి జగన్ ఇంటి వద్ద నిరసన చేపట్టింది. ఏళ్ల తరబడి పనిచేస్తున్నా తమ ఉద్యోగాలను క్రమబద్ధీకరించలేదని వారు ఆవేదన వ్యక్తం చేశారు. ముఖ్యమంత్రి జగన్... ప్రజా సంకల్ప యాత్ర చేసినప్పుడు తమ ఉద్యోగాలపై హామీ ఇచ్చారని, వెంటనే న్యాయం చేయాలని డిమాండ్ చేశారు.