కార్యకర్తలపై వైకాపా దాడులను సహించేది లేదు: అవినాశ్

వైకాపాకు ప్రజలు అధికారం ఇచ్చింది పరిపాలన చేయడానికే తప్ప... తెదేపా కార్యకర్తలపై దాడులు చేయడానికి కాదని తెలుగు యువత రాష్ట్ర అధ్యక్షుడు దేవినేని అవినాశ్ అన్నారు. తమ కార్యకర్తలకు రక్షణ కల్పిచడంలో పోలీసులు విఫలమైతే... తెలుగు యువత ఆ బాధ్యత తీసుకుంటుందని అన్నారు.

రాష్ట్రంలో వైకాపా అధికారంలోకి వచ్చాక తెదేపా కార్యకర్తలపై దాడులు పెరిగాయని తెలుగు యువత అధ్యక్షుడు దేవినేని అవినాశ్ ఆందోళన వ్యక్తం చేశారు. గుంటూరులోని తెదేపా రాష్ట్ర కార్యాలయంలో జరిగిన తెలుగు యువత సమావేశానికి అవినాశ్ హాజరయ్యారు. వైకాపా దాడుల నుంచి పోలీసులు రక్షణ కల్పించలేకపోతే.... తెలుగు యువత ఆ బాధ్యత తీసుకుంటుందని వ్యాఖ్యానించారు. గత ఐదేళ్లలో తెదేపా అధికారంలో ఉన్నా... ఎప్పుడూ వైకాపా కార్యకర్తలపై ఇలాంటి దాడులకు పాల్పడలేదని గుర్తు చేశారు. ఇవాళ నందమూరి బాలకృష్ణ పుట్టిన రోజు సందర్భంగా కేక్ కట్ చేసి వేడుకలు నిర్వహించారు.