నరసరావుపేటలో నేడు కొత్తగా 2 కరోనా పాజిటివ్ కేసులు నమోదయ్యాయి. గుంటూరు జిల్లాలో ఆరోగ్య శాఖ అధికారులు విడుదల చేసిన నివేదికలో 4 కేసులు జిల్లాలో నమోదు కాగా వాటిలో 2 కేసులు నరసరావుపేటకు చెందినవే కావటంతో స్థానికులు ఆందోళనకు గురవుతున్నారు. తాజగా నమోదయిన పాజిటివ్ కేసులతో నరసరావుపేటలో మొత్తం కరోనా పాజిటివ్ కేసుల సంఖ్య 180కు చేరుకుంది. 2 కేసుల్లో ఒకటి వరవకట్టలో నమోదు కాగా, మరొకటి శ్రీనివాసనగర్లో నమోదయ్యినట్లు అధికారులు వెల్లడించారు.
మిషన్ మే 15 కార్యక్రమంలో ఈనెల 15 నాటికి పట్టణంలో కరోనా పాజిటివ్ కేసులను జీరోస్థాయికి తెస్తామని అధికారులు ప్రకటించారు. కానీ ప్రతి రోజు పట్టణంలో ప్రతిరోజు కొత్త పాజిటివ్ కేసులు నమోదు అవుతూనే ఉన్నాయి.
ఇదీ చదవండి: పట్టాలు తప్పిన శ్రామిక్ రైలు.. అందరూ సేఫ్
