గుంటూరు జిల్లాలో కరోనా వ్యాప్తి రోజురోజుకూ అధికమవుతోంది. జిల్లాలో కొత్తగా 92 కేసులు వచ్చాయి. మొత్తం కేసుల సంఖ్య 1,285కు చేరింది. కొత్త కేసుల్లో గుంటూరు నగరంలో 44, మంగళగిరి 8, తాడేపల్లి 6, తెనాలి 7, దాచేపల్లి 4, చిలువూరులో 3 కేసులు నమోదయ్యాయి. సత్తెనపల్లి, ఫిరంగిపురం, మాచర్ల, చినమద్దిపూడిలో 2 చొప్పున, నంబూరు, గామలపాడు, రేవేంద్రపాడు, కంభంపాడు, నాగులవరం, కొర్రపాడు, దుగ్గిరాల, పెదవడ్లపూడి, నరసరావుపేట, వడ్డేశ్వరం, ఉండవల్లిలో 1 చొప్పున వెలుగుచూసినట్లు అధికారులు వెల్లడించారు.
గుంటూరులోని క్వారంటైన్ కేంద్రంలో 8 మందికి పాజిటివ్గా నిర్ధరణ అయినట్లు తెలిపారు. తాజా కేసులతో గుంటూరు నగరంలో కేసులు 489కు చేరుకున్నాయి. నరసరావుపేటలో 228, తాడేపల్లి 156, తెనాలి 64, మంగళగిరి 58, దాచేపల్లి 24, దుగ్గిరాల 23కు చేరినట్లు అధికారిక లెక్కలు చెప్తున్నాయి.
ఇవీ చదవండి:
