తెదేపా ఎమ్మెల్సీ సతీశ్ ప్రభాకర్ రాజీనామా

గుంటూరులో తెదేపాకు బలమైన నేతగా ఉన్న అన్నం సతీశ్ ప్రభాకర్ ఎమ్మెల్సీ పదవికి, తెదేపా సభ్యత్వానికి రాజీనామా చేశారు.

పార్టీ ప్రాథమిక సభ్యత్వంతోపాటు ఎమ్మెల్సీ పదవికి అన్నం సతీశ్​ ప్రభాకర్ రాజీనామా చేశారు. పాతికేళ్లుగా ఆదరించి, ప్రోత్సహించిన అందరికీ అన్నం ధన్యవాదలు తెలిపారు. ఆత్మప్రబోధానుసారమే ఎమ్మెల్సీ పదవికి రాజీనామా చేస్తున్నట్లు ప్రకటించారు. గుంటూరు జిల్లా తెదేపాలో సతీశ్ ప్రభాకర్ కీలక నేత ఉన్నారు. 2014 ఎన్నికల్లో బాపట్ల నుంచి వైకాపా అభ్యర్థి కోన రఘుపతి చేతిలో ఓడిపోయారు. సతీష్ కృషికి ఎమ్మెల్సీగా పార్టీ అవకాశం ఇచ్చింది. ఇప్పుడు ఆయన పార్టీకి, పదవికి రాజీనామా చేయడం చర్చనీయాంశమైంది.