కొవిడ్ కారణంగా మృతి చెందిన వ్యక్తి అంత్యక్రియలు నిర్వహించి అమ్మ చారిటబుల్ ట్రస్ట్ నిర్వాహకులు మానవత్వం చాటుకున్నారు. అనంతపురానికి చెందిన వ్యక్తి కరోనాతో మృతి చెందారు. అంత్యక్రియలు నిమిత్తం అనంతపురంలోని తమ నివాసానికి మృతదేహాన్ని తీసుకెళ్తే అక్కడ అంత్యక్రియలు చేయడానికి వెసులుబాటు లేకుండాపోయింది. పొన్నూరులోని బంధువులకు మృతుని కుటుంబ సభ్యులు ఫోన్ చేసి విషయం చెప్పగా... గుంటూరులో అమ్మ చారిటబుల్ ట్రస్ట్ వివరాలు ఇచ్చారు. వారిని సంప్రదించగా దహన సంస్కారాలు చేయడానికి సరేనన్నారు. అనంతపురం నుంచి అంబులెన్స్లో మృతదేహాన్ని గుంటూరు తీసుకువచ్చి దహన సంస్కరాలు పూర్తి చేశారు. ఈ కార్యక్రమంలో అమ్మ చారిటబుల్ ట్రస్ట్ నిర్వాహకులు జ్ఞాన ప్రసన్న బాబు తదితరులు పాల్గొన్నారు.
ఇదీచదవండి
