Child Kidnapping in Eluru Govt Hospital: ఏలూరు ప్రభుత్వాస్పత్రిలో చిన్నారి కిడ్నాప్ కలకలం రేపింది. కామవరపు కోటకు చెందిన ఓ మహిళ ఈ నెల 2న ఆస్పత్రిలో ఓ పాపకు జన్మనిచ్చింది. గుర్తుతెలియని ఓ మహిళ ఆ పాపను తీసుకొని బాక్సులో పెట్టాలంటూ.. తల్లిదండ్రులకు మాయమాటలు చెప్పి అక్కడనుంచి తీసుకెళ్లింది. హాస్పిటల్ ఆవరణలో చంటి బిడ్డతో అనుమానాస్పదంగా తిరుగుతుండటంతో.. సిబ్బంది ఆమెను నిలదీయడంతో అసలు విషయం బయటపడింది. పాపతో తనకు సంబంధం లేదంటూ ఆమె బుకాయించడంతో.. సిబ్బంది పోలీసులకు సమాచారం అందించారు. పొంతనలేని సమాధానం చెప్పడంతో.. ఆమెను పోలీస్ స్టేషన్కు తరలించారు. అపహరణకు గురైన పాపను తల్లిదండ్రులకు సురక్షితంగా అప్పగించారు.
ఇవీ చదవండి:
