యువకుల ఔదార్యం... 50 రోజులుగా అభాగ్యులకు ఆహారం

వారంతా యువకులు. లాక్​డౌన్​తో నిరాశ్రయులు, యాచకులు పడుతున్న ఇబ్బందులు చూసి చలించారు. వారికి సాయం చేయాలనే సంకల్పంతో, దాతల సహాయ సహకారాలతో 50 రోజుల నుంచి నేటి వరకు సుమారు 150 మందికి భోజనాలు అందించారు.

తూర్పుగోదావరి జిల్లా రావులపాలెం మారుతినగర్​కు చెందిన కొంతమంది యువకులు.. యాచకుల్ని, నిరాశ్రయుల్ని ఆదుకుంటున్నారు. రోజూ ఉదయం, సాయంత్రం దాదాపు 150 మందికి ఆహారం అందజేశారు. లాక్ డౌన్ కారణంగా వారు పడుతున్న ఇబ్బందుల్ని చూసి స్పందించి.. వారికి చేయూతగా నిలిచారు.

దాతల సహకారంతో 50 రోజులుగా ఈ కార్యక్రమాన్ని దిగ్విజయంగా కొనసాగిస్తూ.. నేటితో ముగిస్తున్నట్లు తెలిపారు. ఇన్ని రోజులు అభాగ్యులకు అన్నంపెట్టిన యువకులను పలువురు ప్రశంసించారు.

ఇవీ చదవండి... కోనసీమలో 28 రోజుల పాటు కఠినంగా లాక్ డౌన్