తూర్పు గోదావరి జిల్లా మామిడికుదురు మండలం పాశర్లపూడికి చెందిన కుసుమ వినోద్‌ పెంచుతున్న ముర్రా జాతికి చెందిన దున్నపోతు... ఆరడుగుల ఎత్తుతో ఆకట్టుకుంటోంది. ఇది వారింట్లో ఉండే ఓ గేదెకు పుట్టగా.. అపురూపంగా సాకుతున్నారు. ప్రస్తుతం దున్నపోతు వయసు మూడేళ్లు కాగా, ఎత్తు ఆరడుగులు.
ఈ దున్నపోతుకు రోజూ రూ.1000 విలువచేసే దాణా పెడుతున్నారు. అయిదు కిలోల ఉలవలు, 5 కిలోల గంట్లు ఉడకబెట్టి అందిస్తారు. పావు కిలో ఖర్జూరంతో పాటు నువ్వులు తాటిబెల్లం మిశ్రమాన్ని పెడుతున్నారు. వీటితోపాటు ఒక లీటరు ఆవుపాలు, నాలుగు కొబ్బరి బొండాల నీరు తాగిస్తున్నారు. ప్రతిరోజూ ఉదయం అయిదు కిలోమీటర్ల మేర నడిపిస్తున్నారు.
ఇదీ చదవండి:
యువకుడు హల్చల్.. మూడంతస్థుల భవనం పైనుంచి దూకుతానని బెదిరింపు
