తూర్పుగోదావరి జిల్లా మన్యంలో నీటిలో చక్కర్లు కొట్టిన కొండచిలువ

తూర్పుగోదావరి జిల్లా మన్యంలో ఓ భారీ కొండచిలువ నీటిలో ఈదుతూ కనిపించింది. అటుగా వెళ్తున్న వారు దానిని ఆసక్తిగా తిలకించి తమ చరవాణుల్లో బంధించారు.

తూర్పుగోదావరి జిల్లా మన్యంలో ఓ భారీ కొండచిలువ స్వేచ్ఛగా విహరిస్తూ స్థానికులకు కనిపించింది. రాజవొమ్మంగి మండలం దూసరపాము నుంచి లబ్బర్తి వెళ్లే రహదారిలో చిట్రోలుబోదు కాల్వ వద్ద కొండచిలువ చిమ్మచీకట్లో సంచరిస్తోంది. దారినవెళ్లే వారు సెల్‌ఫోన్లో ఆ దృశ్యాలను చిత్రీకరించారు. నీటిలోనూ ఆ భారీ కొండచిలువ ఈదుకుంటూ వెళ్తోంది. రాజవొమ్మంగి మండలంలో అప్పుడప్పుడు కొండచిలువలు హడావిడి చేస్తున్నాయి. ఇలా అప్పుడప్పుడు జనావాసాల్లోనూ దర్శనమివ్వడంతో ప్రజల్లో ఆందోళన నెలకొంది.

ఇదీ చూడండి. నాదెండ్లలోని మద్యందుకాణం వద్ద బారులు.. దూరం మరిచిన మద్యంబాబులు