కొత్తపేటలో ఘనంగా ప్రభల ఊరేగింపు
తూర్పు గోదావరి జిల్లా కొత్తపేటలో ప్రభల ఉత్సవాలను ప్రజలు ఘనంగా నిర్వహించారు. కొత్త రామాలయం, పాత రామాలయం ఆధ్వర్యంలో రెండు విభాగాలుగా పరిసర ప్రాంతాల్లో ఉన్న ఆలయాల వద్ద ప్రత్యేకంగా 12 ప్రభలను తయారు చేశారు. వివిధ రకాల పుష్పాలతో అలంకరించిన ప్రభలపై దేవతామూర్తుల విగ్రహాలను పెట్టి డప్పు వాయిద్యాలు బాణాసంచా కాల్పుల నడుమ యువకులు ఉత్సాహంగా ఊరేగింపు నిర్వహించారు.
బోడిపాలెం వంతెన నుంచి స్థానిక ప్రభుత్వ జూనియర్ కళాశాల వరకు యువకులు కేరింతలతో భుజాలపై మోసుకుంటూ ఊరేగింపుగా కళాశాల ప్రాంగణంలో ప్రభలను ఏర్పాటు చేశారు. ప్రజలు అధిక సంఖ్యలో తరలివచ్చి దేవతామూర్తులను దర్శించుకుని సరదాగా ప్రభల వద్ద ఫోటోలు తీసుకున్నారు.
ఇదీ చదవండి:
