మానవత్వపు గూడు.. బుజ్జి కూనలకు చేదోడు

వీధి కుక్కలంటే మనకు చాలా చిరాకనిపిస్తుంది. వాటికి అన్నం పెట్టడం కాదు కదా... కనీసం మన ఇంటివైపే రానివ్వం.. కానీ రాజమహేంద్రవరంలోని ఓ వ్యక్తి చేసిన పని చూస్తే.. భలే చేశావ్ అని అభినందిస్తారు.

సాధారణంగా వీధికుక్కలను చూస్తే ఎవరైనా అసహ్యించుకుంటారు. వాటిని ఇంటి దరిదాపులకు కూడా రానివ్వరు. కానీ తూర్పుగోదావరి జిల్లా రాజమహేంద్రవరం పేపర్ మిల్లు సమీపంలో ఉన్న శ్రీరామ్​ నగర్​కు చెందిన రాజు... వీధి కుక్కలకు ఆహారం వేస్తుంటాడు. అయితే అతను కొన్ని రోజులు వేరే ఊరు వెళ్ళి తిరిగి వచ్చేసరికి ఆ వీధిలో ఉన్న ఓ కుక్క ఆటోలో 8 పిల్లలకు జన్మనిచ్చింది. ఎవరో ఆటోలో నుంచి ఆ పిల్లలను కిందకు దించేశారు. దీంతో... ఆ కుక్క తన పిల్లలను రక్షించుకోవటానికి తుప్పల్లోకి తీసుకెళ్లింది. కానీ ఆ చిట్టి కూనలకు చీమలు కుట్టటంతో కూని రాగాలు తీస్తుండగా.. గమనించిన రాజు ఆ బుజ్జి పిల్లలకు హాని జరగకుండా వీధిలోని ఓ చెట్టు కింద చాపవేసి దానిపైన అనువుగా గూడు ఏర్పాటు చేశాడు. వాటి ఆలనా పాలనా చూసుకుంటూ మానవత్వానికి నిదర్శనంగా నిలుస్తున్నాడు.

ఇదీ చూడండి:

తెలుపు రంగు కాకిని ఎప్పుడైనా చూశారా?