తూర్పుగోదావరి జిల్లా అమలాపురం డివిజన్ వ్యాప్తంగా పలు ప్రాంతాల్లో జనం కరోనా నిబంధనలు మరిచి.. నిర్లక్ష్యంగా వ్యవహరిస్తున్నారు. మాంసం, చేపల దుకాణాలు, కూరగాయలు, నిత్యావసర సరుకుల దుకాణాలు వద్ద ఒకరినొకరు అంటిపెట్టుకుని దూరం మరిచి బారులు తీరుతున్నారు. అధికారులు, పోలీసులు ఎంత చెబుతున్నా నిర్లక్ష్య ధోరణిని మాత్రం వీడటం లేదు.
కరోనా మహమ్మారి కట్టడికి.. ప్రజలు వ్యక్తిగతంగా బాధ్యతాయుతంగా వ్యవహరించాల్సిన అవసరం ఎంతైనా ఉందని అధికారులు పేర్కొంటున్నారు. ఇప్పటికే అధికంగా ప్రాణ నష్టం జరుగుతోంది. పాజిటివ్ కేసుల సంఖ్య వేలల్లో ఉంటోంది. ఇలాంటి విపత్కర పరిస్థితి నుంచి బయట పడాలంటే ప్రతి ఒక్కరూ కొవిడ్ నిబంధనలు విధిగా అనుసరించాల్సిందేనని చెబుతున్నారు.
ఇవీ చూడండి:
