తూర్పు గోదావరి జిల్లా రామచంద్రపురానికి చెందిన వరప్రసాద్, కృష్ణా జిల్లా కంకిపాడుకి చెందిన దీపిక ప్రేమ వివాహం చేసుకున్నారు. ఈ వివాహం నచ్చని అమ్మాయి తరఫు బంధువులు తమను బెదరిస్తున్నారనీ.. వారి నుంచి, స్థానిక రాజకీయ నాయకుల నుంచి తమకు ప్రాణ హాని ఉందని తూర్పు గోదావరి జిల్లా ఎస్పీ కార్యాలయాన్ని ఆశ్రయించారు. తాము ఏడాదిన్నరగా ప్రేమించుకుని, ఈ నెల 21న పెళ్లి చేసుకున్నట్లు వారు వివరించారు.
తాము మేజర్లమని, రామచంద్రాపురం పోలీస్ స్టేషన్లో మాట్లాడిన తరువాత కూడా.. కార్లతో వెంబడించి హాని చేయాలని చూస్తున్నారనీ ఆరోపించారు. తమ తల్లిదండ్రులకు ఈ కులాంతర వివాహం ఇష్టం లేదనీ.. అందుకే తమను ఇబ్బందులు పెడుతున్నారని దీపిక ఆవేదన వ్యక్తం చేసింది.
" మేము ప్రేమించి పెళ్లి చేసుకున్నాను. మాది కులాంతర వివాహం కావటంతో అమ్మాయి తరఫు బంధువులు మమ్మల్ని బెదిరిస్తున్నారు. వారి నుంచి మాకు ప్రాణ హాని ఉంది."- వరప్రసాద్
" రామచంద్రాపురం పోలీస్ స్టేషన్లో నా గురించి మిస్సింగ్ కేసు పెట్టారు. నేను కులాంత వివాహం చేసుకున్నానని మా తల్లిదండ్రులకు ఇష్టం లేదు. కార్లలలో తిరుగుతున్నారు మా కోసం. వారి నుంచి మాకు ప్రాణ హాని ఉంది. అందుకే మా తల్లిదండ్రులపై కేసు పెడుతున్నా." - దీపిక
ఇదీ చదవండి:
