తాను ఇంటివద్ద కరోనా వ్యాక్సిన్ వేయించుకున్న విషయంలో వైద్య అధికారుల తప్పు లేదని తూర్పుగోదావరి జిల్లా కొత్తపేట ఎమ్మెల్యే జగ్గిరెడ్డి అన్నారు. కొవిడ్ వ్యాక్సిన్ తీసుకున్న వ్యవహారంపై స్పందించారు. తమ కుటుంబ సభ్యులు కొంతమంది మంచానికే పరిమితమైన కారణంగా వైద్యాధికారులకు ఈ విషయాన్ని తెలిపి వ్యాక్సిన్ వేయవలసిందిగా కోరానన్నారు. ఆరోగ్యం బాగా లేని కారణంగా కుటుంబ సభ్యులకు వ్యాక్సిన్ వేసేందుకు వైద్యులు నిరాకరించారన్నారు. వైల్ వృథా కాకూడదని ఆ టీకా తాను వేయించుకున్నానన్నారు.
కరోనా వ్యాక్సిన్పై ప్రజలకు అవగాహన కల్పించాలని తాను వ్యాక్సిన్ వేయించుకున్న ఫోటోలను తానే సోషల్ మీడియాలో పత్రికలకు విడుదల చేశానన్నారు. ఈ విషయంలో అధికారుల తప్పులేదని జిల్లా అధికారులకు నివేదించానన్నారు.
ఇదీ చదవండి: కాకినాడ సంయుక్త కలెక్టర్పై హైకోర్టు ఆగ్రహం
