548 మంది రైతులకు సంబంధించిన చెరువును లీజుకు ఇచ్చేశారని.. తెదేపా నేత జ్యోతుల నెహ్రూ ఆరోపించారు. తూర్పు గోదావరి జిల్లా జగ్గంపేట మండలం ఇర్రిపాకలో ఆయన మాట్లాడారు. ప్రైవేట్ వ్యక్తులకు ఏడాదికి రూ.50 లక్షలకు చంటిబాబు లీజుకు ఇచ్చారని ధ్వజమెత్తారు. కలెక్టర్ స్పందించినా కిందిస్థాయి అధికారులు పట్టించుకోవడం లేదని పేర్కొన్నారు. రైతులతో కలిసి న్యాయపోరాటం చేస్తానని జ్యోతుల నెహ్రూ స్పష్టం చేశారు. చెరువును అన్యాక్రాంతం చేసిన ఏ ఒక్కరినీ వదిలిపెట్టబోమని హెచ్చరించారు. అనుమతి లేకుండా అభివృద్ధి పేరిట పనులు ఎలా చేస్తారు..? అని నిలదీశారు.
ఇదీ చదవండి: 'పార్టీ మారే ఉద్దేశం లేదు.. తెదేపాలోనే కొనసాగుతా'
