హమ్మయ్య... అక్కడ అందరికీ నెగిటివ్

తుని పట్టణంలో ముగ్గురికి పాజిటివ్ కేసులు రావడంతో అధికారులు అప్రమత్తమయ్యారు. బాధితులు ఎవరెవర్ని కలిశారన్న దానిపై ఆరా తీసి... వారందరికీ పరీక్షలు నిర్వహించారు. వందలాది మందికి చేసిన ఈ పరీక్షలు నెగిటివ్ రావడంతో అంతా ఊపిరి పీల్చుకున్నారు.

తూర్పు గోదావరి జిల్లా తుని పట్టణంలో ఈ నెల 1 నుంచి 6 వరకు వందల మందికి నిర్వహించిన కరోనా పరీక్షల్లో అందరికి నెగిటివ్ రావడంతో... అంతా ఊపిరి పీల్చుకున్నారు. పట్టణంలో ముగ్గురికి పాజిటివ్ ఉన్నట్లు ఈ నెల 1 న నిర్ధరించారు. ఈ క్రమంలో అధికారులు అప్రమత్తమయ్యారు. పాజిటివ్ వచ్చిన ముగ్గురు... ఎవరెవరిని కలిశారన్నదానిపై ఆరా తీశారు. బంధువులు, అనుమానితులు ఇలా వందల మందికి పరీక్షలు నిర్వహించారు. వీరందరికి నెగిటివ్ రావడంతో తుని ప్రజలు ఊరట చెందారు. మరోవైపు పట్టణంలోని రెడ్​జోన్ల​లో అధికారులు.. లాక్​డౌన్​ని పక్కాగా అమలు చేస్తున్నారు.

ఇదీ చదవండి: రాష్ట్రంలో కొత్తగా 54 కరోనా పాజిటివ్‌ కేసులు