తూర్పు గోదావరి జిల్లా కాకినాడ కలెక్టర్‌ కార్యాలయం ఎదుట పశుసంవర్ధక శాఖ సహాయకుల పరీక్షలు రాసిన అభ్యర్ధులు ఆందోళనకు దిగారు. గ్రామ సచివాలయం ఉద్యోగాల భర్తీలో భాగంగా పరీక్ష రాసిన అభ్యర్ధులకు ప్రభుత్వమే న్యాయం చేయాలని కోరారు.
రాయలేని విధంగా ప్రశ్నాపత్రం..
ఇటీవలే నిర్వహించిన పరీక్షల్లో సంబంధం లేని ప్రశ్నలు ఇవ్వడాన్ని వారు తప్పుబట్టారు. బ్యాచ్‌లర్‌ ఆఫ్‌ వెటర్నరీ సైన్స్‌ అభ్యర్ధులు కూడా రాయలేని విధంగా ప్రశ్నాపత్రాలు ఇవ్వడం సరికాదన్నారు. సుమారు 6500 ఖాళీలు ఉంటే కేవలం 1900 మంది మాత్రమే పరీక్షలు రాశారని తెలిపారు. సంబంధం లేని ప్రశ్నల కారణంగా వారు కూడా అర్హత సాధించలేని దుస్థితి నెలకొందని ఆవేదన వ్యక్తం చేశారు.
