తూర్పు గోదావరి జిల్లా మోతుగూడెం సరిహద్దు ప్రాంతమైన సుకుమామిడి గ్రామం వద్ద.. నూలు దారాల లోడులో తరలిస్తున్న 1000 కిలోల గంజాయిని ఎస్ఐ వాసంశెట్టి సత్తిబాబు ఆధ్వర్యంలో పోలీసులు పట్టుకున్నారు. సుకుమామిడి శివారులో వాహనాలు తనిఖీ చేస్తుండగా చింతూరు వైపు వెళ్తున్న లారీని తనిఖీ చేశామని చెప్పారు.
రూ.30 లక్షల విలువైన 40 బస్తాల గంజాయిని పోలిసులు గుర్తించారు. గంజాయిని ముంబైకి రవాణా చేస్తున్నట్లు విచారణలో నిందితులు తెలిపారని పోలీసులు చెప్పారు. ఈ కేసులో ముంబైకి చెందిన అశోక్ పితాజీ, జితేష్ మధుకర్లను అనే వ్యక్తులను అరెస్ట్ చేశామని, మరో ఇద్దరు నిందితులు పరారీలో ఉన్నారని పోలీసులు తెలిపారు. లారీతో పాటు సెల్ ఫోన్ సీజ్ చేశామన్నారు.
ఇదీ చదవండి:
