తుని వీధుల్లో రసాయన ద్రావణం పిచికారి

తుని పట్టణంలో రెండు రోజులు పూర్తి లాక్​డౌన్ ప్రకటించారు. ప్రజలంతా ఇళ్ల నుంచి బయటకు రావొద్దని పురపాలక కమిషనర్ ప్రసాదరాజు సూచించారు. రసాయన ద్రావణాన్ని పట్టణ వీధుల్లో పిచికారి చేయనున్నట్లు వెల్లడించారు.

కరోనా వ్యాప్తి అరికట్టేందుకు తూర్పు గోదావరి జిల్లా తునిలో అధికారులు మరింత పకడ్బందీగా చర్యలు చేపడుతున్నారు. పట్టణంలో శని, ఆదివారాల్లో పూర్తిగా లాక్​డౌన్ ప్రకటించినట్లు తుని పురపాలక కమిషనర్ ప్రసాదరాజు వెల్లడించారు. ఇతర ప్రాంతాల్లో నిత్యావసర వస్తువులు కొనుగోలు చేసేందుకు ఉదయం సమయంలో అనుమతి ఉందని తెలిపారు. ఈ రెండు రోజుల్లో తుని పట్టణ వీధుల్లో సోడియం హైపో క్లోరైడ్ ద్రావణాన్ని పిచికారి చేయనున్నట్లు ఈటీవీ భారత్ ముఖాముఖిలో తెలిపారు. ప్రజలంతా అధికారులకు సహకరించి, ఇళ్ల నుంచి బయటకు రావొద్దని విజ్ఞప్తి చేశారు.

ఇదీ చదవండి: లాక్​డౌన్: విద్యార్థులు, ఉద్యోగులను అడ్డుకున్న పోలీసులు