రావులపాలెంలో ముగిసిన కబడ్డీ పోటీలు

తూర్పుగోదావరి జిల్లాలో మహిళల ఆలిండియా, పురుషుల రాష్ట్ర స్థాయి కబడ్డీ పోటీలు ఘనంగా ముగిశాయి. మహిళల కబడ్డీ పోటీల్లో వివిధ రాష్ట్రాలకు చెందిన క్రీడాకారులు పాల్గొన్నారు.

తూర్పు గోదావరి జిల్లా రావులపాలెంలో నిర్వహిస్తున్న మహిళల ఆలిండియా, పురుషుల రాష్ట్ర స్థాయి కబడ్డీ పోటీలు ఘనంగా ముగిశాయి. మూడు రోజుల పాటు జరిగిన పోటీల్లో మహిళల విభాగంలో వివిధ రాష్ట్రాలకు చెందిన క్రీడాకారులు పాల్గొన్నారు. మహిళల కబడ్డీ పోటీల్లో ఆంధ్రప్రదేశ్ జట్టు ప్రథమ స్థానంలో నిలవగా, కర్ణాటక ద్వితీయ స్థానం కైవసం చేసుకుంది.

పురుషుల కబడ్డీ పోటీల్లో కృష్ణా జిల్లా ప్రథమ స్థానంలో నిలవగా, తూర్పుగోదావరి జిల్లా రెండో స్థానంతో సరిపెట్టుకుంది.
ఈ పోటీల్లో గెలిచిన క్రీడాకారులకు శాసనమండలి డిప్యూటీ ఛైర్మన్ రెడ్డి సుబ్రమణ్యం బహుమతులు అందించారు. ఈ సందర్భంగా మాట్లాడుతూ... క్రీడాకారుల వలనే దేశానికి గుర్తింపు వస్తుందన్నారు. మానసికంగా ఆరోగ్యంగా ఉండాలంటే విద్యార్థులందరూ క్రీడల్లో పాల్గొనాలని సూచించారు.

ఇదీ చదవండి: బ్రహ్మోత్సవం... ఆరు తరాలు ఒకే చోట