ఒకే కాన్పులో ముగ్గురు బిడ్డలకు జన్మనిచ్చిన మహిళ

విజయదశమి రోజున ఆ కుంటుంబంలో ఆనందం వెల్లివిరిసింది. తూర్పు గోదావరి జిల్లా అమలాపురంలో ఓ మహిళ మొదటి కాన్పులో ముగ్గురు పిల్లలకు జన్మనిచ్చింది. దసరా రోజు ఇలా జరగడంతో ఆ దంపతుల సంతోషానికి అవధులు లేవు.

తూర్పుగోదావరి జిల్లా రాజోలు మండలం కాట్రేనిపాడు గ్రామానికి చెందిన అడబాల శిరీష అనే గర్భిణీ ప్రసవం కోసం అమలాపురంలోని ప్రైవేట్ ఆస్పత్రిలో చేరింది. ఆమె మొదటి కాన్పులో ముగ్గురు పిల్లలకు జన్మనిచ్చింది. వాళ్లలో ఇద్దరు అబ్బాయిలు, ఒక అమ్మాయి. విజయదశమి రోజున శిరీష ముచ్చటైన ముగ్గురు పిల్లలకు జన్మనివ్వడంతో ఆ కుటుంబంలో ఆనందం వెల్లివిరిసింది.

ఇదీ చూడండి: ఉత్తరాంధ్ర సత్యం గల తల్లి...ఎరుకుమాంబ