శేషాచల అడవుల్లో కూంబింగ్.. ఇద్దరు ఎర్రచందనం స్మగ్లర్లు అరెస్టు

శేషాచలం అడవుల్లో ఎర్రచందనం అక్రమ రవాణా చేస్తున్న ఇద్దరు వ్యక్తులను అధికారులు అరెస్టు చేశారు. వారి వద్ద పది ఎర్రచందనం దుంగలు స్వాధీనం చేసుకున్నారు.

చిత్తూరు జిల్లా చంద్రగిరి మండలంలోని శేషాచల అడవులలో టాస్క్ ఫోర్స్ అధికారులు కూంబింగ్ చేపట్టారు. ఈ తనిఖీల్లో అక్రమంగా తరలిస్తున్న పది ఎర్రచందనం దుంగలతోపాటు, ఇద్దరు స్మగ్లర్లను అరెస్ట్ చేశారు. అలిపిరి-రంగంపేట మార్గంలో కూంబింగ్ చేపట్టిన అధికారులు.. నాగపట్ల ఈస్ట్ బీట్ చామల రేంజ్ లోని రాగిమానుగుంట అటవీ ప్రాంతంలో దాదాపు 12 మంది ఎర్రచందనం దుంగలు తరలిస్తూ పోలీసుల కంట పడ్డారు. వారిలో ఇద్దరు పట్టుబడగా మిగిలిన వారు దుంగలు వదిలి పారిపోయారు. పట్టుబడిన వారు తమిళనాడు రాష్ట్రానికి కళ్లకురిచ్చికి చెందిన వెల్లి ఇళయరాజ్ (25), పలని రాజ్ (40) లుగా గుర్తించారు.

ఇవీ చూడండి...