శ్రీనివాస మంగాపురంలో జూన్ 25 నుంచి 27 వరకు సాక్షాత్కార ఉత్సవాలు

శ్రీనివాస మంగాపురం శ్రీ కల్యాణ వేంకటేశ్వరస్వామి సాక్షాత్కార వైభవోత్సవాలు జూన్ 25 నుంచి 27 వరకు జరగనున్నాయి. కరోనా కారణంగా ఈ సేవలన్నీ ఏకాంతంగా చేయనున్నట్లు ఆలయ అర్చకులు వెల్లడించారు.

శ్రీనివాస మంగాపురం శ్రీ కల్యాణ వేంకటేశ్వరస్వామి సాక్షాత్కార వైభవోత్సవాలు జూన్ 25 నుంచి 27 వరకు జరగనున్నాయి. ఈ వేడుకలను ఏకాంతంగా నిర్వహిస్తున్నట్లు ఆలయ ప్రధాన అర్చకులు బాలాజీ రంగాచార్యులు తెలిపారు. మొదటిరోజు స్వామివార్లకు స్నపన తిరుమంజసం.. ఆరోజు రాత్రి పెద్దశేషవాహనంపై ఏకాంతంగా ఆస్థానం నిర్వహిస్తామని చెప్పారు.

రెండోరోజు హనుమంత వాహనం, మూడో రోజు గరుడ వాహనంపై స్వామివారిని ఊరేగిస్తామన్నారు. కరోనా కారణంగా ఈ సేవలన్నీ ఏకాంతంగా చేయనున్నట్లు వెల్లడించారు. సాక్షాత్కార వైభవోత్సవాలను పురస్కరించుకుని మంగళవారం కోయిల్ అళ్వార్ తిరుమంజసంను శాస్త్రోక్తంగా నిర్వహించారు.

ఇవీ చదవండి.... : మీకు కొవిడ్ ఉందంటూ మెసేజ్...ఓపెన్ చేశారో..!