చిత్తూరు జిల్లా శేషాచలం అడవుల్లోని నాగపట్ల వద్ద అక్రమ రవాణాకు సిద్ధంగా ఉన్న ఎర్రచందనాన్ని పోలీసులు గుర్తించారు. సుమారు 40 దుంగలను టాస్క్ ఫోర్స్ అధికారులు స్వాధీనం చేసుకున్నారు. నిన్న రాత్రి చంద్రగిరి మండలం శ్రీవారి మెట్టు నుంచి భాకరాపేట వరకు టాస్క్ ఫోర్స్ సిబ్బంది కూంబింగ్ నిర్వహించారు.
కూంబింగ్లో తమిళనాడులోని తిరువణ్ణామలై జిల్లా పులియకుప్పంకు చెందిన శివకుమార్ను పోలీసులు పట్టుకున్నారు. మిగిలిన స్మగ్లర్లు అక్కడి నుంచి పరారయ్యారు. స్మగ్లర్లు పట్టుబడిన ప్రాంతంలో రూ. 20 లక్షలు విలువ చేసే ఏ- గ్రేడ్ రకం ఎర్రచందనం దుంగలను స్వాధీన పరుచుకున్నట్లు డీఎస్పీ మురళీధర్ తెలిపారు. పారిపోయిన స్మగ్లర్ల కోసం గాలింపు చర్యలు చేపట్టినట్లు స్పష్టం చేశారు.
ఇదీ చదవండి:
