కొండచిలువ ఆకలి తీరలేదు... జింక ప్రాణం నిలవలేదు...

పాపం జింక దాహార్తిని తీర్చుకునేందుకు అక్కడికి వచ్చింది. ఇంతలో కొండచిలువ ఆ మూగజీవిపై దాడి చేసింది. జింక పోరాడింది కానీ ప్రాణాలు దక్కించుకోలేకపోయింది. విగతజీవిగా పడి ఉన్న జింకను మింగేందుకు విఫలయత్నం చేసి వీలుకాక చిలువ అడవిలోకి వెళ్లిపోయింది.

చిత్తూరు జిల్లా పెనుమూరు మండలం శ్రీ కలిగిరి వేంకటేశ్వర స్వామి కొండ పరిసరాల్లో కొండచిలువ కనిపించింది. నీరు తాగడానికి ఆలయం వద్దకు వచ్చిన జింకపిల్లపై ఆ భారీ సర్పం దాడి చేసి మింగడానికి ప్రయత్నించింది. జింక-కొండచిలువ మధ్య పోరు జరిగింది. ప్రాణాలు కాపాడుకోవడానికి ఆ మూగజీవి చేసిన ప్రయత్నం విఫలమైంది. చనిపోయిన జింకను మింగేందుకు కొండచిలువ విఫలయత్నం చేసింది. సాధ్యం కాకపోయేసరికి జింకను వదిలి అడవిలోకి వెళ్లిపోయింది. కొంతమంది భక్తులు ఈ దృశ్యాలను చరవాణిలో బంధించారు.

ఇవీ చదవండి..