శివప్రసాద్​ పార్థివదేహానికి పార్టీలకు అతీతంగా నేతల నివాళి

తెదేపా మాజీ ఎంపీ శివప్రసాద్ పార్థివ దేహానికి పార్టీలకు అతీతంగా నేతలు నివాళి అర్పిస్తున్నారు.

తెదేపా మాజీ ఎంపీ శివప్రసాద్ మృతిపై.. పార్టీలకు అతీతంగా నేతలు ఆవేదన వ్యక్తం చేస్తున్నారు. తిరుపతిలో శివప్రసాద్ పార్థివదేహానికి మంత్రి పెద్దిరెడ్డి రామచంద్రారెడ్డి, తెరాస ఎంపీ నామా నాగేశ్వరరావు నివాళి అర్పించారు. రాజకీయాలకు అతీతంగా శివప్రసాద్​తో తనకు సన్నిహిత సంబంధం ఉందని మంత్రి పెద్దిరెడ్డి చెప్పారు. ఆయన విలక్షణ నాయకుడని కొనియాడారు. మరోవైపు.. పార్లమెంటులో శివప్రసాద్​తో కలిసి ఎన్నో పోరాటాలు చేశానని తెరాస ఎంపీ నామా నాగేశ్వరరావు గుర్తు చేసుకున్నారు. విభజన సమయంలో శివప్రసాద్ ఏపీ కోసం.. తాను తెలంగాణ కోసం పోరాడామన్నారు.