ఎస్సీ వర్గీకరణకు వ్యతిరేకంగా మోసం చేసిన రాజకీయ పార్టీలను మాదిగల ఆవేదనను ఓటుతో చాటుతామని... మాదిగ రిజర్వేషన్ పోరాట సమితి వ్యవస్థాపకుడు మందకృష్ణ మాదిగ అన్నారు. చిత్తూరు, నెల్లూరు జిల్లాల పార్లమెంటు పరిధిలోని నాయకులతో ఆయన సమీక్షించారు. తిరుపతి పార్లమెంటు పరిధిలోని ఏడు నియోజకవర్గాలలో మాదిగలు ఉన్నారనే విషయాన్ని రాజకీయ పార్టీలు మర్చిపోయానని ఆరోపించారు. మాదిగలకు ప్రాధాన్యం ఇవ్వటం లేదని ఎద్దేవా చేశారు. వర్గీకరణ డిమాండ్కి జాతీయ పార్టీ భాజపా, అధికార పార్టీ వైకాపా, ప్రధాన ప్రతిపక్షం తెదేపా మద్దతు ఇస్తూనే... పరిష్కారానికి జాప్యం చేస్తున్నారని ఆరోపించారు. తిరుపతి ఉపఎన్నికల్లో ఎమ్మార్పీఎస్, మహాజన సోషలిస్టు పార్టీ... సంయుక్త అభ్యర్థి పోటీ చేయనున్నట్లు ఆయన వెల్లడించారు.
ఇదీ చదవండీ...న్యాయవాదుల బీమా కోసం యునైటెడ్ ఇన్సూరెన్స్తో బార్‌ కౌన్సిల్‌ ఒప్పందం
