ఉప ముఖ్యమంత్రి నారాయణ స్వామి ప్రసంగం
ప్రజలకిచ్చిన హామీల మేరకు అన్ని సంక్షేమ పథకాలను ప్రభుత్వం అమలు చేసి తీరుతుందని ఉప ముఖ్యమంత్రి నారాయణ స్వామి అన్నారు. చిత్తూరు జిల్లా రేణిగుంట మండలం తూకివాకంలో నిర్వహించిన వనమహోత్సవ కార్యక్రమానికి ఆయన ముఖ్యఅతిథిగా హాజరయ్యారు. 151 స్థానాలు ఇచ్చి వైకాపాను ప్రజలు ఆశ్వీరదించారని గుర్తు చేశారు. మరో 30 ఏళ్ల పాటు జగనే సీఎంగా ఉండే రీతిలో సంక్షేమ పథకాలను ప్రవేశపెడుతున్నారని నారాయణ స్వామి అన్నారు. ఈ కార్యక్రమానికి తుడా ఛైర్మన్ చెవిరెడ్డి భాస్కర్ రెడ్డి, జిల్లా కలెక్టర్ భరత్ నారాయణ గుప్త తదితరులు హాజరై మొక్కలను నాటారు. వనాల పెంపుదల, చెట్లను కాపాడుకోవడం వంటి విషయాలపై విద్యార్థులకు అవగాహన కల్పించారు.
