చిత్తూరు జిల్లా చంద్రగిరి మండలంలోని చారిత్రక కట్టడం రాయలవారి కోట ప్రాంతం అసాంఘిక కార్యకలాపాలకు అడ్డాగా మారింది. జన్మదిన వేడుకల కోసం ఇక్కడకు వస్తున్న యువకులు మద్యం తీసుకువచ్చి అక్కడే తాగి ఆ ప్రాంతంలో అల్లర్లు సృష్టిస్తున్నారని సిబ్బంది చెప్తున్నారు.
సిబ్బందిపై దాడి..
మద్యం మత్తులో ఉన్న యువకులు కోట సిబ్బందిపై దాడికి దిగారని తెలుస్తోంది. వీరిలో ఇద్దరు కేంద్ర ప్రభుత్వ ఉద్యోగులకు గాయాలవడంతో వారు.. నేడు చంద్రగిరి పోలీసులకు పిర్యాదు చేశారు. ఈ విషయం వెలుగులోకి వచ్చింది. యువకులపై చర్యలు తీసుకొని తమకు న్యాయం చేయాలంటూ మ్యూజియం సీనియర్ అధికారులు పోలీసులకు ఫిర్యాదుచేశారు. ఫిర్యాదు స్వీకరించిన పోలీసులు.. దాడి చేసిన యువకుల కోసం గాలిస్తున్నారు.
ఇదీ చదవండి:
NDRF teams deployed: వర్షాలపై ప్రభుత్వం అప్రమత్తం.. ముంపు ప్రాంతాలకు ఎన్డీఆర్‌ఎఫ్‌ బృందాలు
