కొత్త పద్ధతి వద్దు..పాత ఇసుక విధానమే ముద్దు
ఇసుక సరఫరాలో ప్రభుత్వం అనుసరిస్తున్న విధానాన్ని నిరసిస్తూ తిరుపతిలో భవన నిర్మాణ కార్మికులు ధర్నా చేపట్టారు. కార్మికులకు మద్ధతుగా రాష్ట్ర వడ్డెర కార్పొరేషన్ మాజీ ఛైర్మన్ దేవళ్ల మురళి పాల్గొన్నారు. రెక్కాడితే కానీ డొక్కాడని భవన నిర్మాణ కార్మికులపై ముఖ్యమంత్రి జగన్మోహన్ రెడ్డి కక్ష సాధింపు చర్యలకు పాల్పడడం మంచిది కాదని హితవు పలికారు. రోజువారి పనులు చేసుకుంటూ జీవనం సాగిస్తున్న కార్మికులకు ప్రభుత్వం వెంటనే న్యాయం చేసి ఆదుకోవాలని డిమాండ్ చేశారు. రాష్ట్ర ప్రభుత్వం తీసుకున్న నిర్ణయానికి నిరుపేదలైన కార్మికులు రోడ్డున పడ్డారని ఆరోపించారు. ఇప్పటికైనా ప్రభుత్వం స్పందించి పాత పద్ధతిలోనే ఇసుక సరఫరా చేయాలని డిమాండ్ చేశారు.
ఇది చదవండి:
