చిత్తూరు జిల్లా చంద్రగిరి మండలంలో విషాదఘటన చోటుచేసుకోంది. వానర భయంతో ఓ బాలుడు ప్రాణాలు కోల్పోయాడు.
మండలంలోని పనబాకం గ్రామానికి చెందిన చంద్రబాబు, మమత ఇద్దరు కుమారులు. అందులో పెద్దకుమారుడు పునీత్ ఆరో తరగతి చదువుతున్నాడు. దుకాణానికి వెళ్లి తినుబండారాలు కొనుగోలు చేసి.. తిరిగి ఇంటికి వెళుతుండగా.. ఓ వానరం బాలుడి దగ్గరవున్న తినుబండారాలను లాక్కెళ్లింది. ఆ కోతిని అనుసరిస్తూ.. ఆ బాలుడు మేడపైకి వెళ్లాడు. అక్కడ ఉన్న వానర గుంపు ఒక్కసారిగా బాలుడి వైపు రావడంతో భయపడి కంగారులో పరిగెత్తబోయి ప్రమాదవశాత్తు కింద పడ్డాడు. స్పృహ కోల్పోయిన పునీత్ను 108లో తిరుపతికి తరలిస్తుండగా మార్గ మధ్యలో మృతిచెందాడు. ఈ ఘటనతో గ్రామంలో విషాదఛాయలు అలుముకున్నాయి.
ఇదీ చదవండి: red sandal: చెన్నైలో చిత్తూరు పోలీసుల తనిఖీలు.. రూ.5 కోట్ల విలువైన ఎర్రచందనం పట్టివేత
