హథీరాంజీ మఠం భూముల వ్యవహారంపై ప్రభుత్వ తీరు తప్పుబట్టిన భాజపా నేతలు
తిరుపతి హథీరాంజీ మఠం భూముల వ్యవహారంలో... రాష్ట్ర ప్రభుత్వం తీసుకుంటున్న నిర్ణయాలపై వ్యతిరేకంగా గవర్నర్కు ఫిర్యాదు చేయనున్నట్లు భాజపా రాష్ట్ర కార్యదర్శి భాను ప్రకాష్ రెడ్డి ప్రకటించారు. తిరుపతి ప్రెస్క్లబ్లో సమావేశంలో మాట్లాడిన ఆయన.. వేలకోట్ల రూపాయల విలువైన భూములను కాజేసేందుకే రాష్ట్ర ప్రభుత్వం వివాదాస్పద నిర్ణయం తీసుకుందని ఆరోపించారు. మఠం ఆస్తులకు కస్టోడియన్గా దేవస్థానం వ్యక్తులను కాకుండా అధికారిని నియమించటాన్ని తప్పుబట్టారు. ఈ వ్యవహారంపై హైకోర్టు సిట్టింగ్ జడ్జితో విచారణ జరిపించాలని ఆయన కోరారు. దేశ వ్యాప్తంగా హథీరాం మఠానికి ఉన్న ఆస్తులను లెక్కకట్టాలని భాజపా రాష్ట్ర అధికార ప్రతినిధి సామంచి శ్రీనివాస్ డిమాండ్ చేశారు. హథీరాం మఠం వద్ద ఆందోళన చేపట్టనున్నట్లు భాజపా నేతలు తెలిపారు.
