సైకిల్ పంపిణీకి ఎన్నికల కోడ్ తో బ్రేకులు

ఎన్నికల సందర్భంగా చిత్తూరు జిల్లా శ్రీకాళహస్తిలోని సైకిళ్ల పంపిణీ నిలిచిపోయింది. విద్యార్థులకు పంపిణీ చేయాల్సిన సమయంలో కోడ్ రావడంతో ద్విచక్రవాహనాలన్నీ వృథాగా ఉండిపోయాయి.

ప్రభుత్వ పాఠశాలలో చదువుతున్న విద్యార్థుల కోసం శ్రీకాళహస్తిలో సైకిళ్లు సిద్ధం చేశారు. ఇంతలో ఎన్నికల కోడ్ వచ్చింది. ఇది సైకిళ్ల పంపిణీకి అడ్డంకిగా మారింది.

విద్యార్థులకు పంపిణీ చేయాల్సిన సైకిళ్ల విడిభాగాలు శ్రీకాళహస్తి విద్యావనరుల కేంద్రానికి ఎప్పుడో చేరుకున్నాయి. విడి భాగాలను సైకిల్​గా సిద్ధం చేయించారు. మండల వ్యాప్తంగా 8 , 9 తరగతులు చదువుతున్న 1352 మంది విద్యార్థులకు వీటిని పంపిణీ చేయాల్సిఉంది. ఎన్నికలు ఉండడంతో పంపిణీకి సిద్ధమైన సైకిళ్లను కార్యాలయ ఆవరణంలో నిల్వ ఉంచారు. కోడ్ ముగిసిన వెంటనే పంపిణీ చేసేందుకు సిద్ధం చేస్తున్నారు.

ఇవీ చదవండి

'పశు సంపద ఉన్న రైతు ఆత్మహత్య చేసుకోలేదు'