కర్నూలు జిల్లా వెల్దుర్తి సమీపంలోని మదార్పురం వద్ద జరిగిన ఘర రోడ్డు ప్రమాదంలో మరణించిన వారి మృతదేహాలు చిత్తూరు జిల్లాలకు చేరుకున్నాయి. ప్రమాదంలో మృతిచెందిన 14మంది మృతదేహాలను పోస్టుమార్టం అనంతరం.. వారి స్వస్థలాలకు చేర్చారు. గుర్రంకొండ మండలం తరిగొండకు 7 మృతదేహాలు చేరుకున్నాయి. బి.కొత్తకోట మండలం సర్కారుతోపు గ్రామానికి చేరుకున్న 4 మృతదేహాలు తీసుకువెళ్లారు. చిత్తూరు జిల్లా మదనపల్లెకు ఆదివారం రాత్రే 3 మృతదేహాలు చేరుకున్నాయి. 14 మృతదేహాలకు నేడు అంత్యక్రియలు నిర్వహించే అవకాశం.
కర్నూలు జిల్లా వెల్దుర్తి సమీపంలోని మదార్పురం వద్ద జాతీయ రహదారి (ఎన్‌హెచ్‌-44)పై ఆదివారం తెల్లవారుజామున ఘోర రోడ్డుప్రమాదం చోటు చేసుకుంది. చిత్తూరు జిల్లా మదనపల్లెకు చెందిన ఒకే కుటుంబంలోని 12 మంది, వాహనం డ్రైవరు, మెకానిక్‌లతో కలిపి 14 మంది దుర్మరణం పాలయ్యారు. మృతుల్లో 8 మంది మహిళలు, అయిదుగురు పురుషులతోపాటు ఏడాది చిన్నారి ఉన్నారు.
ఇదీ చదవండి: కర్నూలు జిల్లాలో ఘోర రోడ్డు ప్రమాదం... 14 మంది మృతి
