కేంద్ర ప్రభుత్వ బడ్జెట్‌లో ఏపీ గురించి మాట్లాడకపోవటం దారుణమని ప్రభుత్వ విప్‌ కూన రవికుమార్ ఆవేదన వ్యక్తం చేశారు. బడ్జెట్‌లో కేటాయింపులు నిరాశకు గురిచేశాయని పేర్కొన్నారు. ఎన్నికల బడ్జెట్ లాగే ఉందన్న రవికుమార్... రైతులకు చేయాల్సిన కనీస అవసరాలు కేంద్రం తీర్చలేదన్నారు.
రైతులకు రూ.6 వేలు ఇస్తామని.. గొప్పగా చెప్పుకుంటున్నారని విమర్శించారు. రుణమాఫీ చేస్తారని రైతులు ఎదురుచూస్తే.. మోదీ మోసం చేశారని ధ్వజమెత్తారు. నిరుద్యోగ భృతి విషయంలోనూ నిరాశకు గురిచేశారని అన్నారు. ఆర్థిక నేరగాళ్లు దేశం వదిలి వెళ్లేందుకు భాజపా సహకరించిందని ఆరోపించారు.
