విజయవాడలో అర్ధరాత్రి ఈదురుగాలుల బీభత్సం

విజయవాడలో అర్ధరాత్రి ఉరుములు, మెరుపులతో కూడిన వర్షం బీభత్సం సృష్టించింది. రాష్ట్ర నూతన సీఎంగా ప్రమాణస్వీకారం చేయనున్న ఇందిరాగాంధీ మున్సిపల్ స్టేడియం తడిచిముద్దైంది. పలు చోట్ల ఫ్లెక్సీలు నెలకొరిగాయి

విజయవాడలో అర్ధరాత్రి ఈదురుగాలు కూడిన వర్షం బీభత్సం సృష్టించింది. ముఖ్యమంత్రి జగన్ ప్రమాణస్వీకారం చేయనున్న ఇందిరాగాంధీ మున్సిపల్ స్టేడియం తడిచిముద్దైంది. అతిథుల కోసం వేసిన కుర్చీలు, టెంట్లు గాలికి ఊగిపోయాయి. ఈదురుగాలుల దాటికి నగరంలో ఏర్పాటు చేసిన ఫ్లెక్సీలు విరిగిపడ్డాయి. కొత్తపేట చేపల మార్కెట్ వద్ద విద్యుత్ తీగలపై రేకులు పడి మంటలు చేలరేగాయి. భయంతో పరుగులు తీసిన ప్రజలు ప్రమాదం నుంచి తప్పించుకున్నారు. ముందస్తు చర్యల్లో భాగంగా పలు ప్రాంతాల్లో విద్యుత్ సరఫరాను నిలిపివేశారు.