ర్యాలీలో అధిక సంఖ్యలో పాల్గొన్న విద్యార్థినీ, విద్యార్థులు
పేదరికంతో చదువుకు దూరమవుతున్న విద్యార్థులకు ప్రభుత్వం విద్యావసతి కింద వారి ఖాతాల్లోకి నగదు జమ చేసినందుకు కృతజ్ఞతగా వైఎస్సార్ విద్యార్థి విభాగం నాయకులు అనంతపురం జిల్లా గుంతకల్లులో ర్యాలీ నిర్వహించారు. ఈ ర్యాలీలో విద్యార్థులు అధిక సంఖ్యలో పాల్గొన్నారు. అనంతరం వైఎస్సార్ విగ్రహానికి పాలాభిషేకం నిర్వహించారు. ఎంతో మంది నిరుపేదలు సరస్వతి కటాక్షం ఉన్నా.. చదువుకు దూరమవుతున్నారని అలాంటి వారి పరిస్థితిని గమనించి ముఖ్యమంత్రి జగన్ సహాయం అందించారని తెలిపారు. అందుకు కృతజ్ఞతగా ఈ కార్యక్రమం నిర్వహించమని విద్యార్థి సంఘం నాయకులు తెలిపారు.
