సామాజిక ఆరోగ్య కేంద్రంలో విధుల్లో చేరడానికి వెళ్తున్న వైద్యురాలిని.. గుర్తు తెలియని వాహనం ఢీకొట్టినట్లు పోలీసులు తెలిపారు. కర్నూలు జిల్లా ఆళ్లగడ్డ నుంచి కుటుంబంతో పాటు ద్విచక్రవాహనంపై ప్రయాణిస్తుండగా.. అనంతపురం జిల్లా కళ్యాణదుర్గం వద్ద ఈ ఘటన చోటు చేసుకుందన్నారు. అదే వాహనం.. మోటర్ సైకిల్పై వస్తోన్న తూర్పు కోడిపల్లి గ్రామానికి చెందిన బోయ అంజి, ఆంజనేయులనూ బలి తీసుకున్నట్లు గుర్తించారు. బాధితులు ముగ్గురూ అక్కడికక్కడే మృతి చెందినట్లు పోలీసులు పేర్కొన్నారు.
ఈ ప్రమాదానికి కారణమైన వాహనమే.. మరో రెండు మోటర్ సైకిళ్లను, కార్లను ఢీకొట్టినట్లు గ్రామస్థులు తెలిపారు. వారు కొద్దిపాటి గాయాలతో బయటపడినట్లు వెల్లడించారు. పోలీసులు సంఘటనా స్థలానికి చేరుకుని దర్యాప్తు ప్రారంభించారు.
ఇదీ చదవండి: కనిపించకుండా పోయిన చిరు వ్యాపారి.. మృతదేహమై తేలాడు!
