నా భూమి వివాదంలో చిక్కుకుంది.. న్యాయం చేయండి..!

భూ వివాదంలో న్యాయం చేయాలంటూ అనంతపురం జిల్లా ధర్మవరంలో ఓ రైతు నీటిట్యాంకు ఎక్కి నిరసన తెలిపాడు. ప్రత్యర్థులు రాజీకోసం తనను బెదిరిస్తున్నారని ఆవేదన వ్యక్తం చేశాడు. అధికారులు వెంటనే సమస్య పరిష్కరించాలని.. లేకుంటే చనిపోతానని బెదిరించాడు.

అనంతపురం జిల్లా ధర్మవరం పట్టణంలోని గాంధీనగర్​లో రెడ్డప్ప అనే రైతు వాటర్ ట్యాంక్ ఎక్కి హల్​చల్​ చేశాడు. తన భూమి వివాదంలో చిక్కుకుందని సమస్య పరిష్కరించాలని.. లేకుంటే పై నుంచి దూకేస్తానని బెదిరించాడు. ధర్మవరం మండలం మాలగుండ్లపల్లి గ్రామానికి చెందిన రెడ్డప్పకు అదే గ్రామానికి చెందిన రాజశేఖర్, నాగరాజులకు భూ వివాదం ఉంది. ఇరువురు కేసులు పెట్టుకోగా...ధర్మవరం కోర్టులో ఈ కేసు విచారణలో ఉంది. కేసు రాజీ కావాలని ప్రత్యర్థులు తనను బెదిరించారని, తనకు అధికారులు న్యాయం చేయాలని బాధితుడు డిమాండ్​ చేశాడు. స్థానిక యువకులు గమనించి రైతును కిందకు దించి పోలీసులకు అప్పగించారు. ఘటనపై పోలీసులు సమగ్ర విచారణ జరుపుతున్నారు.

ఇదీ చూడండి: