'ధర్మవరంలో తెదేపా కార్యకర్త అపహరణ'

ధర్మవరంలో తెదేపా కార్యకర్తను దుండగులు పట్టపగలే అపహరించారు. తప్పించుకున్న యువకుడు పట్టణ పోలీసులకు ఫిర్యాదు చేశాడు. తెదేపా ఏజెంట్​గా ఉన్నందునే కక్ష సాధింపులకు దిగుతున్నారని బాధితుడు ఆరోపించాడు.

అనంతపురం జిల్లా ధర్మవరంలో తెదేపా కార్యకర్త కిడ్నాప్ కలకలం రేపింది. తమ్మిశెట్టి అమర్​నాథ్ అనే యువకుడిని కొందర వ్యక్తులు అపహరణకు యత్నించారు.
ఇదీ విషయం...
ఇంటి వద్ద ఉన్న అమర్​నాథ్‌ను స్నేహితుడు అంజితో ఫోన్ చేయించి రాజేంద్రనగర్​కు రప్పించారు. అప్పటికే అక్కడ ఉన్న నిందితులు వన్నూరు సాబ్... అతని స్నేహితులు ద్విచక్రవాహనంలో తీసుకెళ్లారు. అనంతరం పోతుకుంట వద్ద అమర్​నాథ్‌పై దాడికి దిగారు. ఎన్నికల్లో తెదేపా ఏజెంట్​గా ఉన్న కారణంగా 5లక్షలు ఇవ్వాలని డిమాండ్ చేశారని బాధితుడు ఆరోపించాడు. అక్కడి నుంచి తప్పించుకున్న అమర్​నాథ్ ధర్మవరం పోలీస్ స్టేషన్​లో ఫిర్యాదు చేశాడు. జరిగిన విషయాన్ని పోలీసు ఉన్నతాధికారులకు చరవాణి ద్వారా వివరించాడు. పోలీసులు కేసు నమోదు చేసుకుని విచారణ ప్రారంభించారు.

ఇవీ చూడండి-రుతు పవనాలు ఆలస్యం... మరికొన్ని రోజులు ఉష్ణాగ్రహం