కుక్కను తప్పించబోయి.. ఓ వ్యక్తి మృతి

కుక్కను తప్పించబోయి ఓ వ్యక్తి అక్కడిక్కడే మృతి చెందాడు. ఈ ఘటన అనంతపురం నగర శివారులో జరిగింది.

అనంతపురం నగర శివారులో జరిగిన రోడ్డు ప్రమాదంలో ఓ వ్యక్తి మృతి చెందాడు. కూడేరు మండలం కొర్రకోడు గ్రామానికి చెందిన కూలీ కుంటెప్ప.. వ్యక్తిగత పనులపై ద్విచక్రవాహనంలో అనంతపురానికి బయల్దేరాడు. వేగంగా వస్తున్న ద్విచక్రవాహనానికి రాచనపల్లిలో రాగానే కుక్క అడ్డు వచ్చింది. దీన్ని తప్పించే ప్రయత్నంలో ద్విచక్రవాహనం డివైడర్​ను ఢీ కొట్టింది. బైక్​పై ఉన్న వ్యక్తి పక్కనే ఉన్న విద్యుత్ స్తంభానికి తగలడంతో తలకు తీవ్ర గాయమై అక్కడిక్కడే మృతి చెందినట్లు పోలీసులు తెలిపారు. ఈ ఘటనపై కేసు నమోదు చేసినట్లు రూరల్ పోలీస్ స్టేషన్ సీఐ మురళీధర్ రెడ్డి చెప్పారు.

ఇదీ చూడండి: తిరుమల శ్రీవారికి స్వర్ణ శంఖుచక్రాలు బహూకరణ