కరోనా వ్యాప్తి చెందకుండా ఉండాలంటే సామాజిక దూరం పాటించాలని పదేపదే అధికారులు, వైద్యులు సూచిస్తున్నా కొందరు నిర్లక్ష్యంగా వ్యవహరిస్తున్నారు. ముఖ్యంగా రైతు బజార్లలో ఈ పరిస్థితి కనిపిస్తోంది. లాక్డౌన్ నేపథ్యంలో రైతు బజార్లు, విశాలమైన మైదానాల్లో ఉదయం పూట కూరగాయలు విక్రయిస్తున్నారు. ప్రజలు ఎక్కువ మంది వచ్చే అవకాశం ఉన్నందున సామాజిక దూరం పాటించాలంటూ అధికారులు అక్కడ మార్కింగ్లు చేశారు.
అనంతపురం జిల్లా మడకశిరలో పట్టణ నడిబొడ్డున ఉన్న మార్కెట్లోనూ ఈ మార్కింగ్లు వేశారు. అయినప్పటికీ అక్కడి ప్రజలు ఈ పద్ధతిని పాటించడం లేదు. సామాజిక దూరాన్ని పాటించడం మాని కూరగాయలు కొనేందుకు గుమిగూడతున్నారు. కూరగాయల కొనుగోలు కేంద్రాల వద్ద పూర్తి సిబ్బంది లేకపోవటం కారణంగా ఈ ధోరణి ఏర్పడింది. అధికారులు మేల్కొని ప్రజలు సామాజిక దూరం పాటించేలా చర్యలు తీసుకోవాలని కోరుతున్నారు స్థానికులు.
ఇదీ చదవండి: పెరవలి ఎస్ఐ ఓవరాక్షన్పై డీజీపీ ఆగ్రహం..సస్పెన్షన్ వేటు
